( حياك العراقي )سيد احمد العباسي

كتبت هذه القصيدة واسمها : ( حياك العراقي ) .

يستاهل فريد يطير واجمل فرع هو اختار
هذا من يسمونه مجاهد ولان عنده اصرار
ولان عقيده ومبدأ عنده من زمــــــــــــان
يحلم للعراق يصير رائد بالفضه طيـــــار

مبروك الك يالفته ولكل العراقييـــــــــــن
من حِلمك تحقق والتِريده صـــــــــــــــار
تدري انت نصر هذا وذكرى للاجيــــال
واليرفع اسم بلاده من جد وصدك مغوار

عاشت ايدك ياشريف وبارك الله بيـــــك
شع اسمك مثل ماتشع بالظلام انـــــــوار
مو بس بالعراق العرب تمدح بيـــــــــك
والعقل يوكف من جهودك والفكر يحتـار

وحته بكل دول اوروبه شادو بيـــــــــك
والعدوان من الغيض عدهم ثـــــــــــــار
هذا من الحقد والمايحب الخيــــــــــــــر
فوك الثلج يشعل نـــــــــــــــــــــــــــــار

طير ياطيار وخل يشوفك كل اهل بغداد
وكل اهل العراق يدعون الك بالــــــدار
شمحلاته العلم من عالصدر خليـــــــت
لان انت شريف ومن بيت كله اطهــــار

وخل عدوان العراق بغيضهم يحجــون
لان ماشفنه منهم غير بس اشـــــــــرار
يفجرون العراقي بلا سبب انجـــــــاس
لان واحدهم ناصبي وحاقد علينه وعار

مايدرون العراقي فارس بالعلم معروف
يشك الكاع ومنهه يطلع الافكــــــــــــار
واقواله كله افعال وشريف اطبــــــــاع
ولو بالسمه طار يفرق الاشــــــــــــرار

نبارك للعراقي والف مبروك للطيــــار
دكتور ومهندس وحته بالبحر بحــــــار
مبدع العراقي وكل شي هم يصيـــــــر
لان عالم ومستودع عقله كله اســــرار

مو مثل اليجينه من العرب غداريـــــن
متعمدين للطاقات هذي يفجروهه بنـار
والدول شافت من فجرو الطيبيــــــــن
باعوهه الضماير بمختلف الاسعـــــار

لان من العراقي كلهم يخافــــــــــــون
لان طاهر شريف طباع ابن كبـــــــار
مو مثل البعض اقزام ولد ابليـــــــــس
بأسم الدين متلبسين وبالفعل كفــــــــار

هنيئا الك ياطيارنه وتستاهل التبجيـــل
والك كل الشكر ياجوري ياجمــــــــار
ياصكر العراق ويفتخر بيك العراقيين
لان تأريخ كل واحد شاهد اله واثــــار

يامن جاهدت وسهرت كل الليـــــــــل
وحققت الاراده والك هسه انصــــــار
والدول تحجي بيك والعشــــــــــــــاك
وتنكتب بأسمك بكل امانه اشعــــــــار

حياك العراقي تفوز وتربح بكل يــوم
ويوميه نسمع عنك بالدول اخبـــــــار
خلصت عمرك تدرس علوم الكـــون
تحديت المصاعب من صرت طيـــار

سنين من التعب والجهد والتفكيــــــــر
وحقتت حلمك ومانمت حته امــــــرار
يحرسك الله ومحمد واهل البيـــــــــت
لان انت عراقي وطاقه وجهد واستثمار

سيد احمد العباسي