( نهض ابن العراق ) .سيد احمد العباسي

كتبت هذه القصيدة واسمها : ( نهض ابن العراق ) .

مبدع العراقي وشمحله ابداعــــــــــــــــه
طيار العراقي بالفضه من شمر ذراعــــه
استاذ واديب وعالم ومهندس ودكتـــــــور
واتحده البحر من ركبه وماهزه لشراعــه

لان ارض العراق كنوز بيهه وخيــــــــر
دجله والفرات ونخلاته بيه شمحله طلاعه
شمس بيه العراق ماتشبه البلــــــــــــــدان
من تشرق تشوف الجنه بأرباعـــــــــــــه

عراق البيه علي ابن عم النبي المختـــار
منه تنولد جينات بأضلاعــــــــــــــــــــه
رغم كل الحدث والصار من اجـــــــرام
ولاد العراق ابداع وعلمه ماخذه رضاعه

رغم كل الحصار الصار من صـــــــدام
جاع العراقي ولكن ماطلب من واحد وداعه
ورغم كل الظروف والمحـــــــن والآلام
حافظ العراقي عله خلقه ودينه واطباعـه

لان هذا العراقي عنده صبر من اللــــــه
شتلات العزيمه نبتت بيه ومبينه بذراعه
ولامونه الدول عالخلق والتدبيـــــــــــــر
مايدرون العراقي بيده موقت الساعـــــه

العراقي مافجر بدوله وقتل ناس احيـــاء
ولكن العرب خلتنه بالاخطاء شماعــــــه
سلت من حقدهه علينه سيف المـــــــوت
تخضع العراقي تريد تعلمه الطاعــــــــه

حر العراقي بيه مايدرون من زمــــــان
ومايخضع لواحد وضميره ماباعــــــــه
ولكن صح البعض خان العراقييــــــــن
لان بعثيين ومن زمن صدام طماعـــــه

انتفض ابن العراق ورجع من جديــــــد
وصبح شمعه وسحك اوجاعـــــــــــــــه
ومن ينهض اسد ويتخطه كل المـــــوت
بالعالم كله بجباله وسهاله واصقاعــــــه

معروف العراقي اذا يدرس ابد ميجـوع
مو مثل الدول فاكه حلوكهه جواعـــــــه
اذا يدرس يفك عينه ومايجيه النــــــــوم
بالصبر معروفين ابطال وسباعــــــــــه

ومعروف العراقي من يدرسوه شلــــون
بعده ماكمل طبيب صدره عليه سماعــه
ويسهر ليله كله وينسه كل الكــــــــــون
وبعض مرات ينسه ياخذ اكله ومتاعـــه

مجاهد والله ابن الزاد والطيبــــــــــــات
اصيل بخلقه وابد مابدل اطباعـــــــــــه
ولكن اليفخخ نفسه من العرب متعمديـن
ابن ابليس واحدهم علينه يبين صراعــه

والفرق بين العراقي وبين ولد ابليــــس
احنه مسالمين وهمه طركاعــــــــــــــه
واحدهم نجس وسافل ومأبــــــــــــــون
مو طاهر النطفه وسمه عالدول زاعــه

العراقي مو بس طاهر وشريف اطبـاع
متدين وعنده اخلاق ويطلب شفاعـــــه
مو مثل بعض من الدول متنكريــــــــن
ثوب ثعلب يلبسون ويصيرولك ضباعه

وجذب يلبسون ثوب الدين من زمــــان
لان للشيطان واحدهم مستسلم وطاعــه
ويبقه العراقي شامخ ومبدع وطاقـــات
ولكن السياسي ياوسافه اله ماراعــــــه

سيد احمد العباسي