يا احبيب /للشاعر صاحب الضويري

يا احبيب / صاحب الضويري

ياحبيب لو كِلت باجر نشيــــــــــــــــل 00 0ما تصيرش بس نكول احنه ولو
جنت احشم كل عمامي على الرحيل 000وما يهمني الي اجو والما اجوا
ويا حبيب لو كلت انه زعلان 00000جنت ازعل عالهوى لو زعــــــــــــــــلاك
وما يمر بريتي وهذا المكان 00000البي كبل مشتم هواي اشتم هــــــواك
انت دره وشفتك بكتر الزمان 00000وكيفت من كلبي بكتاره زرعــــــــــــاك
الدنيا مدري شلون فرشتلي الشليل 000000وفرهديتك يوم عذالي التهو
وانه جبت الغانمه وانت الدليل00000جورت واهل الهوى ما حصــــــــــــلو
من زمان دياركم تشكي الظلام 000وهالنثرنه عيونه عليها نجـــــــــــــــوم
وانت تدري طباعنه طباع الحمام 0000من يتيه يضل على دياره يحـــــــوم
وهالدوت بكتارنه نار الغرام 0000وما يطفيها وعلي ملك الغيـــــــــــــــــوم
بس رضابك ياترف مثل الجحيل 0000وكلبي موكد ياحلو بي وكـــــــــــــــدوا
انه احبن بيك كل ما هو جميل 000وما علي بالي حجو والما حجــــــــــــــوا
اي وحكَك وانته اغلى من اليمين 000وانه بس بغيرك من احلف جـــــــــــذوب
انه وانت وماتهمنه العالمين 00000ان شركَت وان غربت بيها الــــــــــــدروب
وهسه عتني الشوك يمك والحنين 000استاحشت جي وحدّي بوكت الغروب
كون يمك جا صحت عندك دخيل 000دولبني ايام هجرانك شــــَــــــسو
وانت تدري بمهجتك صاحب نزيل 00خاف غيري بالنزل خويه ادعّـــــــــو؟
تميزت عن ربعي بيه الطيبات 000وضلت دروب الرده لـــــــــــــــهل الرده
واليبات على الهضم خله يبات 000الغيره مهره وما تضل محـــــــــــــدده
دير دوك عنانها على النايبات 000وكوهه اسحك عالخطر واتعمـــــــــده
هاي هيه ولو طحت بيها جتيل 0000بمشتهاتي لرحتك اصبح لــــــــــهو
كفه الميزان تنزل بالثكيل 000وهيه دنيه ومو شرط بيها الـــــــــــــــــعلوا
يا شريج العكل خلهم شيحجون 00وما علينه بالعرف نفسه نشـــــــــيط
لو دروا والله كلهم ينتهون 000وصاحوا بغربانهم يازي اللــــــــــــــــــقيط
وانه ما اريدك تسد عني الديون 0000ولا اريدك لو كرب موتي محــــــــيط
انه موتك ضايكه وجن سلسبيل 0000ومن منايا محبتك شارب حــــــــسو
وما اذله وداعتك وصبح ذليل 000من اشوفن بالنزل غيري ادعــــــــــــــــــوا
عاد احشم كل عمامي على الرحيل00 وما يهمني الي اجو والما اجـــــــوا