فاحة ريحة البوكات ) سيد احمد العباسي

كتبت هذه القصيدة واسمها : ( فاحة ريحة البوكات ) .
فلاح السوداني لاتحرج ابو اسراء ليفضحــــــك
وبدل ماتعتذر حاسب االبواك كبل مااحنه نتهمك
قيل وقال صار هواي وكافي تبريــــــــــــــرات
والوزاره مو من اختصاصك وهذا مو شغلـــــك
اتركهه الوزاره ولاتظل حيــــــــــــــــــــــــران
باجر من تطلع تقاعد كلهه تنتقـــــــــــــــــــــدك
تعرف انت الوزاره وتدري بيهه شصــــــــــــار
وتدري البوك بيهه هواي ولاتكلي مو شأنــــــك
مايفيد اعتذار لان البلوزاره تعلمو عالبــــــــوك
لان غركانه الوزاره بالفساد وبعلمــــــــــــــــك
اطلع واترك الوزاره وارفع راسك من جديـــــد
وخذ مني النصيحه قبل ماتغـــــــــــــــــــــــرك
ينراد تنظيف الوزاره من الاصل والســـــــاس
وتعيين الكفاءه واهل الخبره والمسلـــــــــــــــك
وخل النزاهه تصول وتحاسب البــــــــــــــواك
ومايهمنه منو البواك اخوك الجان لو ابنــــــــك
تطبيق العداله نريد والقانــــــــــــــــــــــــــــون
ضميرك كلي ياسيد فلاح بهاي مايعذبـــــــــــك
وان سجلك كان مابيه شي ولكن طبق الاحكــام
بعد كل هذا الجره والصار كلي شلون نوكفلــك
تعذرني على جلماتي ومو قصدي اترجـــــــاك
ولكن لان انت في موقف حرج وضعـــــــــــك
ولاقصدي اهينك حاشه رب الكون هم من هاي
ولكن الدين النصيحه وانت تدري بهاي لو كلك
اتركهه الوزاره باجر يصير حساب وين تروح
وانت عليك العين وتجي النزاهه النوب تتهمــك
ماتخلص ابد وضدك كلهه راح تصيـــــــــــــــر
لان جو الوزاره مكهرب وضـــــــــــــــــــــدك
هسه راح تكلي هاي شلون رهمت هيــــــــــــج
واكلك انت بيك الصوج وهذا هم حظــــــــــــك
من كثر المصايب بالوزاره وصار هاي سنيــن
شبعنه طحين ودهن ابشرك تالف بعهــــــــــدك
وصابون اليجي مستورد يشمحنه مايشحمـــــك
لان اكيد الصابون التجيبه الك خصيصا يعطرك
والجاي المصيبه مسرطن ومنتهي من زمـــــان
شلون الجاي طب للمخازن وانت علم ماعندك ؟
وحليب الطفل منتهي المفعول ومبين التأريــــخ
والمخازن عفنت من البضاعه ولاتكلي مو ذنبك
جم مليار دولار ضاعت ليش ومن المســؤول ؟
نكدر ياوزير نستجوبك هساع ونسألــــــــــــــك
فاحت ريحة البوكات عبرت حته سور الصيــن
تسكت ليش وضميرك كلي مايعذبـــــــــــــــــك
كلي يامخازن زرت واي محافظه عليهه شرفت
تقبل نكلك انت اللي بكت لو واحد بســـــــــــدك
اطلع كول للاعلام هذا الصـــــــــــــــــــــــــار
واحجيهه الحقيقه وخل نفتهم منــــــــــــــــــــك
قيل وقال صار هواي ولازم للنهايه اسبــــــاب
ورأي اطلع منهه سالم كبل الشعب مايسبــــــك
لان هذا قوت الناس والشعب أمن بيـــــــــــــك
وتدري انت الفساد البلوزاره وصل يم خشمـك
صح بيهه الوزاره بوك من زمـــــــــــــــــــان
ولكن مثل بوك اليوم ماشفنه مثله ولاابد مثلــك
اطلع منهه ونظفوهه الوزاره من المخربيــــن
لان صبر المواطن مو مثل صبـــــــــــــــــرك
كافي الشعب صار سنين بالع مــــــــــــــــوس
وخوفك من شعب لو ينفجر ضــــــــــــــــــدك
سيد احمد العباسي