قصيدة عتب عراقية للعرب جميعا بعنوان (بعد ما ريد فيزة )

منوعات : قصيدة عتب عراقية للعرب جميعا بعنوان
في 2009/8/16 3:11:32 (199 القراء)
قصيدة عتب عراقية للعرب جميعا بعنوان (بعد ما ريد فيزة )

مرسلة من بشرى متي

بعد ما ريد فيزه ولا لجوء انـــــسان
عمت عين الاقامه الدنست صـــــيتي

واشكر كل صديق وكل خوي وكل جار
قــــفل بابه ورفض يـــــقبل عراقيتي

خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي

لان اول امس كل البشر خــــــــــدام
جانوا للـــــــــــــــعراق واكلوا ابيتي

جان الضيف عندي مكرم ومهــــيوب
فوگ الراس اشــــــيله وهاي تربيتي

ما داعي اسولف وانه ابو النــــهرين
ياهو الــما سمع اخــــــــــبار حنيتي

بعد بصــــــمات اديهم والطبع موجود
من جانوا جياع بوســط صيـــــنيتي

يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي

معـــقوله نسيتي اسم الـــعراق بساع
لــــــو مثل الــــبشر همّن تــــناسيتي

مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي

وادري لوحّدج عفناج صار سنين
وادرى من الحزن تابوت سويتي

جيب الاغتراب وحـــطه بالـــتابوت
يا غربه الـــــــــــعراق شكثر اذيتي

ما اعيــش ابّحر مالح طـــعم يا ناس
انه بسجن الـــــفرات وفقط حريتي

وترابي ذهـــب والگاع من ياقــوت
ومن ثوب الكرامه البسهه بيريتي

واذا گالوا لترجع والوضع مو زين
اگول اني الوضع والزين تاليــــتي

وميهمني بعد ليصير خلي يصير
طعم الموت اشرف من هجر بيتي

اموت بوسط خوتي ويا حلاة الموت
من اجمع اهلــــــنه واكتب وصيتي

وصيتي لو متت لتچفنوني چفان
لفوني بعلمنه وهاي امـــــــنيتي

واذا تردون اليه بهالگبر ارتاح

امانة الله دفنوا وياي جنسيتي
امانة الله دفنوا وياي جنسيتي

[center]
وادري لوحّدج عفناج صار سنين
وادرى من الحزن تابوت سويتي

ونامت عيون الناس نامت
وروحي بالمنافي بعيد هامت
وعلى شوفتچ روحي احتامت
شيلايمك ياجرح گلبــي


تحياتي/سيدة المطر

اموت بوسط خوتي ويا حلاة الموت
من اجمع اهلــــــنه واكتب وصيتي

وصيتي لو متت لتچفنوني چفان
لفوني بعلمنه وهاي امـــــــنيتي

استوقفتني هذه الابيات وما تحمل من معاني وحب ولوعة فراق الاحبة وحنين لتراب الوطن وشم رائحة العلم الذي هو رمز الصمود والعز.

هنيأً لك على هذا الاحساس الرائع
واتمنى لك كل التوفيق
تقبل مروري

فدى الحاج